मुना कुँवर
असोज १८,
काठमाडौं । आर्थिक वर्ष २०७१/७२ मा निर्जीवन बीमा कम्पनीहरूको दाबी
भुक्तानी करीब ४ गुणा बढेको छ । आव २०७०/७१ मा रू. १ अर्ब ३३ करोड बीमा
दाबी भुक्तानी भएकोमा गत आव २०७१/७२ मा भने ३ दशमलव ८२ गुणाले बढेर रू. ५
अर्ब १० करोड भुक्तानी भएको छ । गत वैशाखको भूकम्पका कारण गत आवदेखि दाबी
भुक्तानी उल्लेखनीय रूपमा बढेको नेपाल इन्स्योरेन्सका प्रमुख कार्यकारी
अधिकृत चन्द्रसिंह साउदले बताए । उनले भने, ‘चालू आवमा यस्तो भुक्तानी अझ
बढ्नेछ ।’
वैशाख १२ को भूकम्प र त्यसपछिका पराकम्पनहरूले धेरै जनधनको क्षति भएको छ । यसको प्रत्यक्ष असर बीमाक्षेत्रमा समेत परेको छ । भूकम्पपछि निर्जीवन बीमा कम्पनीहरूमा कुल रू. १८ अर्बबराबरको बीमा दाबी परेको तथ्याङ्कले देखाएको छ । भूकम्पले भौतिक सम्पत्तिमध्ये भवनहरूमा बढी क्षति पुर्याएको छ ।
सोही कारण
गत आवमा बीमा कम्पनीहरूले सबैभन्दा बढी अग्नि बीमाको दाबी भुक्तानी गरेका
छन् । आव २०७१/७२ मा रू. १ अर्बबराबरको अग्नि बीमा दाबी भुक्तानी भएको छ ।
यो रकम कुल दाबी भुक्तानीको करीब २३ प्रतिशत हो भने आव २०७०/७१ को तुलनामा
करीब ४ गुणा बढी हो ।
निर्जीवन
बीमा व्यवसायमा ७० प्रतिशतभन्दा बढी अंश मोटर बीमाको छ । सरकारले तेस्रो
पक्ष बीमालाई अनिवार्य गरेकै कारण मोटर बीमालेख सबैभन्दा बढी जारी हुने
गरेको छ । वैशाखमा गएको भूकम्पले सवारीसाधनहरूलाई पनि क्षति पु¥याएको
बीमकहरूले बताएका छन् । गत आवमा यस क्षेत्रको दाबी भुक्तानी भने साढे दुई
गुणाले बढेर रू. २ अर्ब
७ करोड पुगेको छ ।
७ करोड पुगेको छ ।
भूकम्पले
हवाई क्षेत्रलाई खासै असर नगरे पनि गत आवमा अन्य क्षेत्रको तुलनामा हवाई
बीमा दाबी भुक्तानी अधिक देखिएको छ । यस क्षेत्रमा आव २०७१/७२ मा रू. ६०
करोडबराबर दाबी भुक्तानी भएको छ । अघिल्लो आवको तुलनामा यो रकम करीब २७
गुणा बढी हो । अघिल्ला आवमा परेको दाबी रकम गत आवमा मात्र भुक्तानी भएकाले
पनि हवाई दाबी भुक्तानीमा वृद्धि भएको हुनसक्ने बीमा समितिले बताएको छ ।
अन्यथा भूकम्पले भने हवाई क्षेत्रमा खासै असर नपारेको समितिको दाबी छ ।
भूकम्पले
गरेको क्षतिको पूर्ण विवरण भने अझै आउन सकेको छैन । त्यसैले कम्पनीहरूमा
परेको ससाना दाबीको भुक्तानी भए पनि ठूला रकमको दाबी भुक्तानी भने हुन
सकेको छैन । ठूला आयोजनाहरूको विवरण आउन समय लाग्ने भएकाले चालू आवमा दाबी
भुक्तानी अझै बढ्ने बीमकहरूले बताएका छन् ।
No comments:
Post a Comment