मुना कुँवर
काठमाडौं, ११ साउन
भुक्तानी गर्न अझै उदासीन छन् कम्पनीहरू
निर्जीवन बिमा कम्पनीहरूको व्यवसायको दायरा बढ्दै गए पनि दाबी भुक्तानीको प्रक्रियामा भने अझै अनुदार देखिएका छन् । आर्थिक वर्ष ०७४/७५ मा कम्पनीहरूले दाबी भुक्तानीबापत छुट्याएको रकम करिब ७ अर्ब रुपैयाँ पुगेको छ । यो सोही अवधिको अघिल्लो आवभन्दा करिब २२ प्रतिशतले बढी हो । तर, समितिको तथ्यांकभन्दा पनि धेरै रकम व्यवस्था गरिएको हुन सक्ने नेको इन्स्योरेन्सका नायब प्रमुख कार्यकारी अधिकृत अशोककुमार खड्काले बताए ।
‘धेरै दाबी देखाउँदा धेरै प्रोभिजनिङ (व्यवस्था) गर्नुपर्छ । त्यसैले अधिकांश कम्पनीले कम देखाउने अभ्यास छ,’ उनले भने । समितिको प्रावधानअनुसार कम्पनीहरूमा परेको दाबी भुक्तानी नभएमा १ सय १५ प्रतिशत रकम व्यवस्था गर्नुपर्छ । अर्थात्, १ करोड दाबी भुक्तानी गर्न बाँकी रहेमा कम्पनीले १ करोड १५ लाख रुपैयाँ व्यवस्था गर्नुपर्छ ।
के छ ऐनमा ?
बिमा विनियमावली २०४९ को दफा ३२ अनुसार कुनै दुर्घटना भएको जानकारी पाउनेबित्तिकै बिमकले सर्भेयर खटाउनुपर्नेछ । सर्भेयरले आवश्यक जाँचबुझ गरी १५ दिनभित्र बिमकको दायित्व निर्धारण गरी बिमकसमक्ष पेस गर्नुपर्छ । सर्भेयरले बिमकसमझ प्रतिवेदन पेस गरेको ३५ दिनभित्र बिमितलाई दाबी भुक्तानी गर्नुपर्छ ।
बिमा विनियमावली २०४९ को दफा ३२ अनुसार कुनै दुर्घटना भएको जानकारी पाउनेबित्तिकै बिमकले सर्भेयर खटाउनुपर्नेछ । सर्भेयरले आवश्यक जाँचबुझ गरी १५ दिनभित्र बिमकको दायित्व निर्धारण गरी बिमकसमक्ष पेस गर्नुपर्छ । सर्भेयरले बिमकसमझ प्रतिवेदन पेस गरेको ३५ दिनभित्र बिमितलाई दाबी भुक्तानी गर्नुपर्छ ।
युनाइटेड र सगरमाथाले घटाए भुक्तानी रकम
बिमा समितिको तथ्यांकअनुसार गत आवको अन्त्यसम्म लुम्बिनी जनरल इन्स्योरेन्स र प्रिमियर इन्स्योरेन्स कम्पनीको भुक्तानी हुन बाँकी रकम धेरै छ । नेसनल इन्स्योरेन्स कम्पनीको ७५ करोड ५८ लाख रुपैयाँ भुक्तानी हुन बाँकी छ ।
बिमा समितिको तथ्यांकअनुसार गत आवको अन्त्यसम्म लुम्बिनी जनरल इन्स्योरेन्स र प्रिमियर इन्स्योरेन्स कम्पनीको भुक्तानी हुन बाँकी रकम धेरै छ । नेसनल इन्स्योरेन्स कम्पनीको ७५ करोड ५८ लाख रुपैयाँ भुक्तानी हुन बाँकी छ ।
युनाइटेड इन्स्योरेन्स र सगरमाथा इन्स्योरेन्सले भुक्तानी गर्न बाँकी रकम घटाएका छन् । अघिल्लो आवको तुलनामा गत आवमा युनाइटेड इन्स्योरेन्सको भुक्तानी गर्न बाँकी रकम करिब ५२ प्रतिशतले घटेको छ । त्यस्तै, सगरमाथा इन्स्योरेन्सले भने करिब ४६ प्रतिशतले घटाएको छ ।
प्रभुको सबैभन्दा कम
प्रभु इन्स्योरेन्सको भुक्तानी गर्न बाँकी रकम सबैभन्दा कम छ । कम्पनीमा गत आवको अन्त्यसम्म भुक्तानी गर्न बाँकी रकम ५ करोड १८ लाख रुपैयाँ रहेको छ । त्यस्तै, एभरेष्ट इन्स्योरेन्सको ९ करोड ३३ लाख रुपैयाँ बाँकी छ । यो रकम अघिल्लो आवको तुलनामा करिब ८ प्रतिशतले बढी हो । त्यस्तै, आइएमई जनरल इन्स्योरेन्सको गत आवसम्म भुक्तानी हुन बाँकी रकम ९ करोड ५९ लाख रुपैयाँ छ ।
प्रभु इन्स्योरेन्सको भुक्तानी गर्न बाँकी रकम सबैभन्दा कम छ । कम्पनीमा गत आवको अन्त्यसम्म भुक्तानी गर्न बाँकी रकम ५ करोड १८ लाख रुपैयाँ रहेको छ । त्यस्तै, एभरेष्ट इन्स्योरेन्सको ९ करोड ३३ लाख रुपैयाँ बाँकी छ । यो रकम अघिल्लो आवको तुलनामा करिब ८ प्रतिशतले बढी हो । त्यस्तै, आइएमई जनरल इन्स्योरेन्सको गत आवसम्म भुक्तानी हुन बाँकी रकम ९ करोड ५९ लाख रुपैयाँ छ ।
१६ प्रतिशत बढ्यो निर्जीवन व्यवसाय
गत आवमा निर्जीवन बिमा कम्पनीहरूको व्यवसाय १६ प्रतिशतले बढेको छ । समितिको तथ्यांकअनुसार समीक्षा अवधिमा १७ निर्जीवन बिमा कम्पनीले २२ अर्ब १३ करोड रुपैयाँ बिमाशुल्क आर्जन गरेका छन् । यो अघिल्लो आवको सोही अवधिको तुलनामा १९ अर्ब रुपैयाँले बढी हो । कम्पनीहरूको औसत वृद्धि भने २० प्रतिशत रहेको छ ।
गत आवमा निर्जीवन बिमा कम्पनीहरूको व्यवसाय १६ प्रतिशतले बढेको छ । समितिको तथ्यांकअनुसार समीक्षा अवधिमा १७ निर्जीवन बिमा कम्पनीले २२ अर्ब १३ करोड रुपैयाँ बिमाशुल्क आर्जन गरेका छन् । यो अघिल्लो आवको सोही अवधिको तुलनामा १९ अर्ब रुपैयाँले बढी हो । कम्पनीहरूको औसत वृद्धि भने २० प्रतिशत रहेको छ ।
http://www.nayapatrikadaily.com/2018/07/27/76070/
No comments:
Post a Comment